حولدينگ وكىلىنىڭ سوزىنە سايكەس سوڭعى 5 جىل ىشىندە 68 مىڭ نەسيە بەرىلدى, ونىڭ 30,6% كاسىپكەر-ايەل اگروبيزنەسى ۇلەسىندە. حولدينگتىڭ ەنشىلەس كومپانياسى «اۋىل شارۋاشىلىعىن قولداۋ قورى» اق-دا بىرىككەن ۇلتتار ۇيىمىنىڭ دامۋ باعدارلاماسىمەن قارجىلاندىرىلاتىن اۋىلداعى نەسيەلەندىرۋ باعدارلاماسى شەڭبەرىندە باسىمدىلىق ايەلدەرگە دەپ كورسەتىلگەن. جالپى, بۇۇدب باعدارلاماسى بويىنشا ايەلدەرگە 103 قارىز بەرىلدى – بۇل قارىز كولەمىنىڭ جالپى كورسەتكىشىنىڭ 40,1 پايىزى (بارلىعى 257).
«قازاگرو» حولدينگى ايەلدەر ءۇشىن اۋىلداعى بيزنەسىن اشۋعا, جوبالاردى قارجىلاندىرۋعا, اينالىم قاراجاتىن الۋعا جانە تاعى باسقا كاسىپكەرلىك ماقساتتاردى جۇزەگە اسىرۋعا ارقاشان دايىن ەكەندىگىن ايگۇل مۇحاماديەۆا ايتىپ ءوتتى.
2018 جىلدىڭ 2 ناۋرىزىندا ايەلدەر كاسىپكەرلىگى سۇراقتارى رەسپۋبليكالىق كونفەرەنتسيا بارىسىندا تالقىلاندى, اتالعان شارادا قازاقستان رەسپۋبليكاسى پارلامەنت دەپۋتاتتارى, مەملەكەتتىك جانە جەرگىلىكتى اتقارۋشى ورگاندار, دامۋ ينستيتۋتتارى, قوعامدىق ۇيىمدار مەن بيزنەس وكىلدەرى قاتىستى.
«قازاگرو» ۇلتتىق باسقارۋشى حولدينگى» اق ءوزىنىڭ قۇرىلىمىنا كىرەتىن كومپانيالاردىڭ ينۆەستيتسيالىق اكتيۆتەرىن ءتيىمدى باسقارۋ ارقىلى, قازاقستاننىڭ اگروونەركاسىپتىك كەشەنىن دامىتۋ بويىنشا مەملەكەتتىك ساياساتتى ىسكە اسىرادى. حولدينگتىڭ قۇرامىنا «قازاگروقارجى» اق, «اگرارلىق نەسيە كورپوراتسياسى» اق, «اۋىل شارۋاشىلىعىن قارجىلاي قولداۋ قورى» اق, «ازىق-ت ۇلىك كەلىسىم-شارت كورپوراتسياسى» ۇلتتىق كومپانياسى» اق, «قازاگروونىم» اق, «قازاگروكەپىل» اق جانە «قازاگروماركەتينگ» اق ەنەدى.
